AMAGÜESTU ' 08

Un añu más la xente 'l Marcos fizo amuesa de les sos ganes de folixa y del so compromisu pol caltenimientu de la cultura asturiana cellebrando un ritu tan ascentral, na nuestra tierra, comu ye l’amagüestu. Tal eventu coló del patiu y, gracies a la prensa, conocióse nel restu d' Asturies.

LA NUEVA ESPAÑA AVILÉS Y COMARCA Jueves, 20 de noviembre de 2008

LA NUEVA ESPAÑA AVILÉS Y COMARCA Sábado, 22 de noviembre de 2008

Amagüestu y otras actividades en los colegios de la comarca

L’engalane de les muries del pasiellu na planta baxa y la esposición, na Biblioteca, de los “Preseos de la casa tradicional asturiana", cedía por Ondina, ficieron que xaréu y cultura fueren la combinación perfeuta pa cellebrar la llegada ‘l solsticiu d’ iviernu. Vaya per delantre 'l nuestru agradecimientu a J. Luis Ondina por esti regalu pa los güeyos y por adeprendenos tantes coses nes sos desplicaciones. ¡Gracies, Ondina!

Comu en vegaes anteriores, ésta nun diba ser menos, la comunidá educativa del nuesu centru esmeróse y esmolecióse en facer del patiu ‘l prau la fiesta col pregón, la música, les gaites, la danza prima, la entrega los diplomes, los xuegos y bona sidra dulce con castañes asgaya.

Otra vegada, y contentos de facelo por eso de ser bien ñacíos, toca facer los agradecimientos de rigor al collectivu pás y mas del colexu pola so collaboración, al alumnao pola so participación y al profesuráu por tol esfuerciu realizáu. Mención especial pa la mayestra de Llingua Asturiana y l’ Equipu Direutivu por coordinar y sacar p' alantre un día tan prestosu a pesar de les inclemencies del tiempu.

Un añu más finamos esta fiesta :

¡¡¡PUXA ‘l MARCOS, PUXA ASTURIES!!!