L' Amagüestu 07

Dando gracies

Entamo esti blog dando les gracies porque a mí, dende guahe, siempre me dixeren que: "ye de bien ñacíos ser agradecíos".

Munches gracies:

Al Departamentu de Llingua Asturiana, lleváu por la profe Pilar Muñoz, por averanos a la nuesa cultura trayéndonos al colexu a una filandera, por permitinos adeprender coses so la nuesa tierra y, sobre too, pol esfuerzu que representa organizar una fiesta onde la tradición, la folixa ya 'l aprendizaxe formen un too prestosu.
El Concursu Cartelos y la pequeña amuesa del pasáu, que Pilar nos punxo na Biblioteca, contibuyeron a ambientar l'actu la filandera.

Al alumnao hai que da-y les gracies por participar , con esa intensidá y allegría con que lo fai, na fiesta que- yos organizamos cola finalidá de caltener viva la nuesa raigambre.

A les families, n' especial a la Asociación de Madres y Padres de Alumn@s del cole, por collaborar y esmolecese pa que too saliera bien.
Al profesoráu pola xera desendolcada tantu na fiesta comu nos díes previos a ella.
Y nun quiero escaeceme del E. Directivu por coordinar, propiciar y favorecer esta actividá.

Un añu más tola "Comuña 'l Marcos": padres, alumnao y profesorao, tien d'orgullecese de conseguir que vida escolar y tradición convivan dientru un mesmu espaciu.
La seronda ya tá festexada y otra vegada tornamos a cumplir col ritu la danza, la sidra y les castañes acompangáos de folixa asgaya.

¡¡¡Puxa 'l Marcos y Puxa Asturies!!!